குரு பெயர்ச்சி பலன்கள்

குரு பகவான் ஒரு ராசியில் சுமார் 1 வருடம் சஞ்சரிப்பார். எனவே, குரு பெயர்ச்சி வருடத்திற்கு ஒருமுறை நிகழும். சில நேரங்களில் வக்ர கதியின் காரணமாக வருடத்திற்கு இரண்டு முறையும் பெயர்ச்சி நிகழ்வது போல் தோன்றும்.

குரு பகவான் தான் அமர்ந்திருக்கும் இடத்திலிருந்து 5, 7, மற்றும் 9-ஆம் இடங்களைப் பார்வையிடுவார். குருவின் பார்வை படும் இடங்கள் அனைத்தும் சுப பலன்களைப் பெறும். அதனால்தான் "குரு பார்க்க கோடி நன்மை" என்று கூறப்படுகிறது.

பொதுவாக கோச்சாரப்படி ஒருவரது ராசிக்கு 2, 5, 7, 9 மற்றும் 11 ஆகிய இடங்களில் குரு சஞ்சரிக்கும் காலங்கள் மிகவும் சிறப்பான பலன்களையும் அதிர்ஷ்டத்தையும் தரும்.